Hadii aad joojisay dalabkaaga waxay doonto ha noqoto sababtu e (aad ku noqotay shaqo ama aad xanuunsatay, tusaale ahaan) ama aad dalbatay todobaad aad labada gelinba shaqaysay ama aad qaadatay xadiga gunada todobaadkii ama wax ka badan, waa inaad dib u bilawdaa dalabkaaga si aad u bilawdo warbixinaha dalabkaaga todobaadkii. Hadii dalabkaagu uu dhacay (dalabka saxda ah ee socday mudo hal sano ah), waxa aad u baahan doontaa inaad buuxiso arji dalab oo cusub.
Hadii aad hore uga gudubtay todobaadkaaga sugitaanka, LAGAAGAMA baahna inaad dib u sugto todobaad kale marka aad bilawdo dalabkaaga.
Waxa aanu kuugu sheegi doonaa Nidaamka Dalabka Onlaynka ah ama warqad hadii lagaaga baahan yahay inaad dib u bilawdo dalabkaaga.
Si aad dib ugu bilawdo dalabkaaga, waa inaad badashaa macluumaadka cida aad u shaqayso hadii aad dhawaan shaqaysay. Tan waxaa kamid ah taariikhda, macaga, lambarka taleefanka, iyo cinwaanka shaqada iyo wadarta dakhliga ee shaqaalahaas. Hadii aad joojiso dalabkaaga waxay doonto ha noqoto sababtu e, waxaa lagaaga baahan doonaa inaad sheegto sababta aad u joojisay dalabkaaga.
Marka aad dib ugu bilawdo dalabkaaga, waa inaad weli xaraysaa gunooyinka todobaad kasta.
Si aad u bilawdo dalabkaaga UI si joogto ah, isticmaal Nidaamka Dalabka Onlaynka ah oo dooro "Dib u bilaw dalabkaaga." Hadii aanad dib u bilaabi karin dalabkaaga onleynka ah, la hadal Xarunta La Xidhiidhka 877-345-3484 wixii kaalmo ah.