Marka uu qof xareeyo dalabka bilaa shaqada ah, cid kasta oo loo shaqeeyaa sanadka waxay heli doonaan Wargelinta Mushaharka Laga Warbixiyay iyo Kharashka La Isku Badalo (Foomka 197). MAAHA biil; laakiin, waxaa nagu waajib ah in aanu siino macluumaadkan cida loo shaqeeyo.
Foomkan waxa uu u sheegaa cida loo shaqeeyo saamaynta ka iman karta waxa qiimaynta waxa ay la kulmayaan mustaqbalka hadii gunada la siinayo. Tani waxaa weeye mid kamid ah xaalada loo adeegsado sidii loo go'aamin lahaa xadiga cashuurta mushahar cida loo shaqeeyaa bixinayso. Hadii aad u gudayso lacag cida aad u shaqayso, waxa lagugu soo dalici karaa kharashka kadib marka sheegashada la bixiyo.
Hadii adiga, loo shaqeeye ahaan, aad doonayso inaad dalbato fakaad kharashaadka ah, waa inaad soo celisaa foomkan oo ay la socdaan macluumaadka ugu dayn taariikhda ku qoran. Lagaagama baahna inaad buuxiso foomkan iyada oo aad doonto moojee in lagu siiyo fakaad kharashaadka ah.
Waxaa jira sadex sababood oo ay dhici karto inaad ugu qalanto kafaadka kharashaadka:
- Waxa aad u eriday shaqaale anshax xumo sameeyay (waa inaad noo sheegto sababta ay loo eryay si aanu u ogaano hadii anshax xumadu ay waafaqsan tahay sharciga Waaxda Shaqaalaha).
- Shaqaalaha iskood shaqada iskaga tagay sabab aan ahayn wax aad adigu sabab u tahay (waa inaad noo sheegtaa sababta ay shaqada uga tageen si markaa aanu u eegno in sababtaasi ay tahay wax aanad adigu sabab u ahayn).
- Shaqaalaha ayaa sii wada inay gelin kuu shaqeeyaan oo ay ah sidii aad u shaqaalaysiiyay oo waxayna u qalmaan gunooyinka bilaa shaqada maadaama oo ay waayeen intii kale ee shaqada.
UMA qalantid fakaadka kharashka hadii wax kamid ah waxyaabaha soo socdaa ay dhan yihiin:
- Shaqaalaha ayaa shaqada looga eryay maadaama oo ayna shaqo wanaagsan haysan.
- Shaqaalaha ayaa weli kuu shaqaynaya (iyada oo buuxiya moojee sharaxa gelinka ee kor lagu sheegey).
- Qofka shaqaaluhu waxa uu diiday shaqo la siiyay.
- Qofka shaqaalaha ahi waxa uu ahaa kumeel gaadh ama shaqaale xiliyeed (oo waxaa ka dhamaatay mudadii shaqada).
- Qofka shaqaalaha ahi waxa uu ku jiraa fasax ama si kale ayaan shaqada loogu heleynin.
Fakaadka waxaa lagu go'aamiyaa xaalada laga bilaabo taariikhda la diray Wargelinta Mushaharka Laga Warbixiyay iyo Isbadalaha Iman Karo ee hore (Foomka 197).